Kapiteni i ekipit kroat Luka Modriç, njëherësh dhe mesfushor i Realit të Madridit, u shpall lojtari më i mirë i Evropës në zgjedhjen e UEFA-s, në një ceremoni që u mbajt në Monte Karlo.
Modriç, përveçse u shpall kampion Europe me Realin, ishte dhe nënkampion bote me Kroacinë në Rusi, aty ku u shpall dhe më i miri i Botërorit.
Rivalët e tij për titullin e lartë europian, ishin Cristiano Ronaldo dhe Muhamed Salah.
“Kjo është ditë madhe; një ëndërr që u bë realitet. Unë luaj për klubin më të mirë në botë. Jam dhe kapiteni i Kroacisë ku arritëm një sukses të jashtëzakonshëm në Kupën e Botës. Unë jam krenar për gjithçka që kam bërë”, tha Modriç.
Modriç fitoi dhe çmimin për mesfushorin më të mirë duke konkurruar me Toni Kroos dhe Kevin De Bruyne.
Çmimi i UEFA-s për lojtarin më të mirë të Evropës nisur në vitin 2011, ku në vite janë fituar nga Lionel Messi (2011, 2015), Andres Iniesta (2012), Franck Ribery (2013) dhe Cristiano Ronaldo (2014, 2016, 2017).
Cristiano Ronaldo, i cili ishte konkurrenti kryesor i Messit dhe Salah, fitoi çmimin për sulmuesin më të mirë.
Çmimi për portierin më të mirë e morri Keylor Navas, sërish nga Real Madrid, i cili pati si rival Alisson Becker dhe Gianluigi Buffon.
Lojtari më i mirë mbrojtës u shpall gjithashtu një madrilen, Sergio Ramos, i cili konkuroi me kolegët e ekipit Marcelo dhe Varane. /tesheshi.com/
