Organizmi më i lartë i futbollit europian i ka thënë “po” përdorimit të teknologjisë në vijën e portës. Në mbledhjen e mbajtur në Nyon të Zvicrës, Komiteti Ekzekutiv mori vendim që kjo teknologji të përdoret në Kampionatin Europian të kësaj vere në Francë.
“UEFA gjithmonë ka qenë në kërkim të formës dhe mundësisë për t’i përmirësuar ndeshjet të cilat luhen nën ombrellën e saj. Megjithëse ky sistem do na kushtojë shumë, do të na ndihmojë jashtëzakonisht për t’i ndalur akuzat dhe polemikat,” theksoi ish-gjyqtari i njohur Collina, i cili është përgjegjës i gjyqtarëve në UEFA.
Me këtë vendim, për futjen e teknologjisë në vijën e portës, gjyqtarët anësorë do mund të lirohen nga kjo detyrë dhe të përqendrohen te duelet dhe incidentet e tjera që ndodhin brenda zonës. /tesheshi.com/
