UEFA tha se do të marrë në konsideratë festimin e diskutueshëm të skuadrës turke në fitoren 1-0 ndaj Shqipërisë për EURO 2020, ku, gjestikulativisht është shprehur mbështetje për ofensivën kundër militantëve kurde në Siri. Sipas krerëve të futbollit europian, kjo do ishte një përfshirje e paligjshme e politikës në futboll.
Rregullat e UEFA-s ndalojnë përdorimin e simboleve politike dhe fetare në ndeshje dhe ndëshkimet për to janë shumë të larta.
“Unë nuk e kam parë atë përshëndetje që mund të konsiderohet provokim (…), por ne patjetër do ta hetojmë atë”, tha zëdhënësi i UEFA-s, Philip Toënsend.
Turqia mundi Shqipërinë në “Fenerbahce Ulker” 1-0 në Stamboll, dhe futbollistët turq shkuan para tifozëve duke përshëndetur si ushtarë pas një goli vendimtar nga Cenk Tosun në minutën e fundit të pjesës së rregullt të ndeshjes.
Për më tepër, pas ndeshjes, skuadra postoi në profilin e tyre zyrtar në Tëitter një foto në të cilën lojtarët përshëndesin me një tekst shoqërues ku thuhej se fitorja ishte “kushtuar ushtarëve trima dhe dëshmorëve të tjerë”.
Ofensiva ka ngjallur reagime të mprehta në shumë vende evropiane, disa prej të cilave kanë ndaluar eksportet e armëve në Turqi. /tesheshi.com/
