Bordi Ekzekutiv i Federatës Evropiane të Futbollit (UEFA) ka miratuar rregullat e reja të “fair play”-it financiar për klubet, raporton Reuters.
Sipas rregullave të reja, të cilat hyjnë në fuqi në qershor, por do të zbatohen gradualisht gjatë tre viteve të ardhshme për t’u dhënë kohë klubeve për t’u përshtatur, shuma maksimale e mundshme që klubet do të mund të shpenzojnë për pagat dhe transferimet e lojtarëve do të jetë 70 për qind e të ardhurave totale.
“Rregulloret financiare të UEFA-s, të cilat kanë qenë në fuqi që nga viti 2010, kanë përmbushur qëllimin e tyre parësor dhe kanë revolucionarizuar mënyrën se si funksionojnë klubet”, pranoi presidenti i UEFA-s, Alexander Ceferin.
“Por evolucioni i industrisë së futbollit, me pasojat e pashmangshme të një pandemie, ka treguar se nevojiten reforma dhe rregulla të reja për qëndrueshmërinë financiare”, shtoi ai. /tesheshi.com/
