Ndërsa pandemia e koronavirusit tërbohet, zyrtarët e trafikut në të gjithë botën po kërkojnë mënyra për të mbrojtur pasagjerët dhe ekuipazhin në aeroplanë.
Kështu, më 25 nëntor, Autoriteti Kinez i Aviacionit Civil (CAAC) publikoi udhëzime të reja.
Dokumenti, i titulluar Udhëzime Teknike për Parandalimin dhe Kontrollin e Epidemive, ofron këshilla mbi praktikat më të mira të higjienës që do të zbatohen në aeroplanë dhe aeroporte.
Por një nga ato sugjerime, që shoqëruesit e fluturimit dhe personeli tjetër të mbajnë pelena të disponueshme, me qëllim që të mos përdorin banjën, befasoi disa, shkruan CNN.
Ekuipazhit të kabinës në fluturimet drejt dhe nga vendet me rrezik të lartë këshillohet të mbajnë “maska mjekësore, doreza mjekësore të disponueshme me dy shtresa, syze, kapakë të disponueshëm, veshje mbrojtëse të disponueshme dhe mbulesa këpucësh të disponueshme”.
Fjalia e mëposhtme thotë: “Rekomandohet që anëtarët e ekuipazhit të kabinës të mbajnë pelena të disponueshme dhe të shmangin përdorimin e tualetit përveç në rrethana të veçanta për të shmangur rrezikun e infektimit”.
Ndërsa këshilla të tilla mund të duken dramatike, nuk është sekret që tualetet mund të jenë vendi më i riskuar në një aeroplan sa i përket infektimit. Në gusht, një grua që udhëtonte nga Italia në Korenë e Jugut kontraktoi koronavirusin gjatë një udhëtimi, pasi shkoi në banjë – i vetmi vend ku ajo nuk mbante një maskë N95. Ndaj, tualeti i avionit u konsiderua si një burim i mundshëm i infeksionit.
Dizajni i banjës në aeroplan ishte tashmë një temë e nxehtë para kësaj pandemie.
Kompania ajrore japoneze ANA njoftoi në fillim të këtij viti se po provonte një prototip të një dere të re pa duar. Ndërkohë, Boeing ka aplikuar me sukses për një patentë për “tualetet vetë-pastruese” që do të përdorin dritën UV për të pastruar 99.9 përqind të mikrobeve në banjë pas çdo përdorimi. /tesheshi.com/
