Ishulli indonezian i Balit do të punësojë 4,400 ndikues për të ringjallur turizmin e prekur nga pandemia e koronavirusit.
Qëllimi i fushatës është të promovojë “epokën e re të turizmit”, në të cilën vizitorët duhet të respektojnë rekomandimet shëndetësore për veshjen e maskave, distancën sociale dhe larjen e rregullt të duarve…
Ndikuesit do të shijojnë udhëtimet falas rreth Balit nga tetori në nëntor dhe do të postojnë përvojat e tyre në mediat sociale si pjesë e fushatës “Ne e duam Balin”, sipas një deklarate nga departamenti i turizmit në ishull.
“COVID-19 i ka dhënë një goditje të rëndë ekonomisë së Balit, sektorëve socialë dhe shëndetësorë, përfshirë turizmin,” tha zyra, duke shtuar se rreth 75,000 punëtorë të turizmit kishin humbur vendet e tyre të punës.
Bali u hap për turistët nga pjesë të tjera të Indonezisë në fund të korrikut dhe plani i hapjes për të huajt më 11 shtator dështoi për shkak të rritjes së numrit të rasteve të infeksionit koronavirus. /tesheshi.com/
