Disa ministra japonezë vizituan faltoren “Yasukuni Shinto” të shtunën, e cila është e nderuar nga nacionalistët japonezë, por është një simbol i së kaluarës luftarake të Japonisë në Azi.
Kryeministri Shinzo Abe ka dhuruar para në Faltoren Yasukuni në 75-vjetorin e dorëzimit të Japonisë në Luftën e Dytë Botërore, por nuk pritet atje.
Tempulli në Tokio nderon shpirtrat e rreth 2.5 milion ushtarëve që vdiqën për Japoninë në luftëra. Por kinezët dhe Koreja e Jugut nuk e pranojnë, pasi emrat e katërmbëdhjetë kriminelëve të dënuar të luftës nga Lufta e Dytë Botërore u shfaqën në mesin e emrave të të rënëve gjatë viteve 1970, shkruan AFP.
Ministri i arsimit Koichi Hagiuda, i cili vizitoi tempullin me kolegun e mjedisit Shinjiro Koizumi, shpjegoi se ai dëshironte të nderonte të vdekurit.
Pas tyre, Dy ministra të tjerë vizituan tempullin e diskutueshëm.
Kapitullimi i Japonisë
Shinzo Abe nuk e ka vizituar tempullin që nga fundi i vitit 2013, një vit pasi u kthye në pushtet. Vizita dëmtoi raportet me Pekinin dhe Seulin dhe nxiti një paralajmërim të rrallë diplomatik nga Shtetet e Bashkuara.
Perandori Naruhito mori pjesë në 75-vjetorin e kapitullimit të Japonisë të shtunën.
“Me pendim të thellë, unë sinqerisht shpresoj se shkatërrimet e luftës nuk do të përsëriten”, tha nipi i Perandorit Hirohito, i cili njoftoi humbjen e Japonisë më 15 gusht 1945.
Abe nga ana e tij, tha se “asnjëherë s’duhet të përsëritet tragjedia e luftës. Ne do të qëndrojmë të angazhuar në këtë premtim,” tha ai.
Ceremonia ishte rreth dhjetë herë më e vogël se zakonisht për shkak të pandemisë COVID-19. /tesheshi.com/
