Kim Jong-un është shfaqur me tone më të buta në kongresin e partisë së tij, ndryshe nga retorika kërcënuese e muajve të fundit.
Përpara delegatëve të panumërt, udhëheqësi koreanoverior e ka quajtur vendin e tij një shtet të përgjegjshëm bërthamor, që nuk do t’i përdorë ato në rast se nuk do të kërcënohet sovraniteti.
“Si një shtet i përgjegjshëm i armëve bërthamore, republika jonë nuk do të përdorë një armë bërthamore nëse nuk cenohet sovraniteti i saj nga një ndonjë forcë armiqësore agresive me armë bërthamore.”
Udhëheqësi suprem i Koresë së Veriut ka thënë në fjalën e vet se qeveria do t’i përmirësojë dhe normalizojë marrëdhëniet me ato vende që e respektojnë sovranitetit e vendit të tij dhe janë miqësore, edhe pse kanë patur qëndrim armiqësor më herët.
Gjithashtu ai është cituar të thotë se do të ketë më shumë bisedime me Korenë e Jugut, në përpjekje për të krijuar mirëkuptim dhe besim.
Koreja e Veriut do të tërhiqej në vitin 2003 nga traktati i mospërhapjes së armëve bërthamore, për të filluar testimet tre vite më vonë.
Që kur udhëheqësi aktual i Koresë së Veriut e mori pushtetin pas vdekjes së të atit, janë kryer dy prova bërthamore, si dhe dy lëshime të suksesshme raketash kozmike.
Kongresi i Partisë së Punëtorëve është mbledhur për herë të parë që nga viti 1980. /tesheshi.com/
