Kreu i opozitës venezueliane i vetëshpallur presidenti i përkohshëm Juan Guaido, falenderoi Izraelin dhe kryeministrin Benjamin Netanjahu për mbështetjen ndaj tij.
Ai ka përcjell një letër drejt Tel Avivit zyrtar, ku thekson se dëshiron të rivendosë sa më parë marrëdhëniet dypalëshe midis Venezuelës dhe Izraelit. Guaido rikujtoi se këto marrëdhënie u ndërprenë nga ish-presidenti Hugo Chavez.
“Ne presim që bashkëpunimi i vendeve tona të përtërihet në frymën e paqes, miqësisë dhe ndjenjave vëllazërore të popullit tonë”, tha Guaido, duke shtuar se ai pret veprimin e koordinuar të të dy vendeve në mënyrë që të arrijë interesa të përbashkëta.
Venezuela është skena e protestave masive të udhëhequra nga opozita, e cila që mban shumicën në Dhomën e Parlamentit.
Presidenti Trump mbështet opozitën dhe udhëheqësin e saj Guaido, i cili e deklaroi veten si kreu i përkohshëm më 23 janar.
Së bashku me Shtetet e Bashkuara, opozita venezueliane ku mbështet nga Izraeli, Brazili, Argjentina, Kanadaja, Kili, Kolumbia, Kosta Rika, Ekuador, Guatemala, Panamaja dhe Paraguaji.
Nga ana tjetër, Turqia, Irani, Rusia, Kina, Bolivia, Meksika, Kuba dhe disa vende të tjera vazhdojnë të njohin legjitimitetin dhe mbështesin qeverinë e Maduros. /tesheshi.com/
