Në një kohë kur tensionet mes Shqipërisë dhe Greqisë ende nuk janë shuar, lidhur me çështjen e “Himarës”, një ngjarje e fundit rrezikon “t’i hedhë më shumë benzinë zjarrit”.
Bien në prangat e policisë greke dy shoferët e ministrisë së Punëve të Jashtme të Shqipërisë. Mediat vendase raportojnë se të arrestuarit, Altin Tafa dhe Agim Asllani u kapën duke transportuar, në territorin grek me mjetet e tyre, libra në gjuhën shqipe. Gjatë kontrollit të tyre atyre u gjetën abetare, literatura të ndryshme në shqip, si dhe harta të Shqipërisë së Madhe.
Ndalimi i tyre u bë në Janinë dhe aktualisht ndodhen në komisariatin e këtij qyteti. Ata akuzohen për veprën penale “Shpërndarje e materialeve me përmbajtje propagande”, akt ky që do të cënonte edhe më tej marrëdhëniet mes dy shteteve fqinje. /tesheshi.com/
