Ambasada amerikane në Shkup kërkon nga qeveria e Maqedonisë që zgjedhjet e planifikuara për më 5 qershor të mos mbahen.
Në një deklaratë të kësaj ambasade, sqarohen dhe arsyet se përse nuk duhen mbajtur këto zgjedhje
“SHBA iu bëjnë thirrje partive që ta mbledhin parlamentin, të anulojnë zgjedhjet; të hiqet amnestia ndaj politikanëve problematikë, si dhe të ketë përkushtim ndak prioriteteve të BE-së për reforma urgjente, raportit të Priebe-es, si dhe rekomandimeve të OSBE /ODIHR-it. Jemi të përkushtuar në përpjekjet tona, për zgjidhjen e këtij problemi në partneritet me Bashkimin Evropian, por për gjetjen e zgjidhjes kërkohet vullnet politik i qartë”, thuhet në deklaratën e ambasadës amerikane në Shkup.
Me këtë zhvillim të ri, merr një kthesë të papritur kriza politike në Maqedoni. Ky është rasti i parë kur një verdikt amerikan është kaq i prerë dhe që shkon drejt anullimit të një proçesi zgjedhor me datë të përcaktuar. /tesheshi.com/
