Shtetet e Bashkuara u pozicionuan krah Turqisë pasi disa ushtarë të kasaj të fundit u vranë dhe u plagosën në sulmet e regjimit sirian në Idlib.
“Ne qëndrojmë pranë aleatit tonë të NATO-s pas veprimeve të tilla, i shprehim ngushëllimet tona qeverisë turke pas vdekjes së ushtarëve të saj dhe mbështesin plotësisht veprimet e justifikuara të Turqisë në përgjigje të vetëmbrojtjes”, tha një zëdhënëse e Departamentit të Shtetit.
Ajo vuri në dukje se ata ishin në kontakt të vazhdueshëm me qeverinë turke në lidhje me zhvillimet në Siri.
“Veprimet destabilizuese të Rusisë, regjimit iranian, Hezbollahu dhe regjimi i Asadit, pengojnë krijimin e një armëpushimi në Siri në të gjithë territorin, siç përcaktohet nga rezoluta e KB,si dhe kthimin e sigurt të në shtëpi të qindra mijëra personave të zhvendosur”, tha zëdhënësja që preferoi të mbetet anonime.
Ajo vuri në dukje se riintegrimi i regjimit të Bashar al-Asadit në bashkësinë ndërkombëtare nuk duhet të lejohet në asnjë mënyrë.
“Shtetet e Bashkuara do të bëjnë gjithçka në fuqinë e saj për të bllokuar çdo riintegrim të regjimit të Asadit në bashkësinë ndërkombëtare derisa të përmbushë të gjitha dispozitat e rezolutave të KB, përfshirë armëpushimin në të gjithë vendin, përfshirë atë në Idlib”, shtoi ajo. /tesheshi.com/
