Departamenti i Shtetit i Shteteve të Bashkuara ka miratuar shitjen e avionëve zbulues E-2D me vlerë 1.38 miliardë dollarë amerikanë në Japoni, njoftoi Pentagoni.
Në njoftimin për shtyp thuhet se Tokio zyrtare ka kërkuar deri në pesë avionë, si dhe pajisje mbështetëse, pjesë këmbimi dhe mbështetje teknike.
Shtohet se Agjencia Amerikane për Bashkëpunim të Sigurisë në fushën e mbrojtjes ka informuar Kongresin amerikan për shitjen e mundshme, raporton agjencia Reuters.
Paralajmërim i hershëm
Mirëpo, nuk thuhet nëse është nënshkruar kontrata dhe nëse negociatat e shitjes kanë përfunduar, raportojnë agjencitë.
“Shitja e propozuar do të rrisë aftësinë e Japonisë për të mbrojtur në mënyrë efektive territorin e saj duke përdorur aftësitë e sistemit AEW&C (paralajmërimi dhe kontrolli i hershëm i hapësirës ajrore),” thuhet në deklaratë.
“Japonia do të përdorë avionët E-2D AHE për të ofruar shërbime dhe aktivitete të kontrollit të situatës në det dhe në ajër në rajonin e Paqësorit.” /tesheshi.com/
