Administrata amerikane ka ulur statusin e diplomatëve të Bashkimit Evropian në Uashington dhe për këtë nuk e ka informuar Brukselin – thanë zyrtarët evropianë.
Ndryshimi në protokoll do të thotë se do të ketë më pak gjasa që diplomatët e BE-së në Uashington të jenë të ftuar në ngjarje të profilit të lartë dhe kjo do thitë se do jenë më pak të rëndësishëm se në kohën e ish-presidentit Barack Obama.
Një zëdhënëse e Komisionit Evropian ka konfirmuar se protokolli amerikan ka ndryshuar kohët e fundit rendin e përparësisë në listën diplomatike, pa hyrë në detaje.
“Ne aktualisht po diskutojmë me administratën përgjegjëse për implikimet e mundshme për një delegacion evropian në Uashington”, tha ajo.
Dy diplomatë të tjerë evropianë konfirmuan një reduktim të statusit dhe një thanë se nuk ka gjasa që BE të reagojë me të njëjtën masë.
Sekretari i Shtetit Mike Pompeo tha në një fjalim në Bruksel në dhjetor se Trump, duke shpallur parimin “Amerika e Para”, do të riformojë rendin ndërkombëtar të pasluftës dhe do krijojë një bazë për shtetet sovrane e jo institucione multilaterale.
Ai kritikoi gjithashtu “burokratët” të cilët mbajnë shumanshmërinë “si një qëllim në vetvete” dhe vënë pikëpyetje angazhimin e BE-së ndaj qytetarëve të Evropës, duke shkaktuar kritika nga Komisioni Evropian. /tesheshi.com/
