Prokurori i Përgjithshëm i shtetit Uashington deklaroi se ai do të padisë presidentin Donald Trump, mbi ndalimin e përkohshëm të emigracionit nga shtatë vende me popullsi shumicë muslimane, duke e bërë atë shtetin e parë që do të dorëzojë një veprim ligjor kundër administratës së re amerikane në lidhje me një nga politikat e saj.
Urdhëri ekzekutiv i Trump-it gjithashtu pezulloi gjithë programin e refugjatëve në Shtetet e Bashkuara, veprim ky që pasoi nga protesta mbarëkombëtare gjatë fundjavës, duke përfshirë një që tërhoqi 3.000 njerëz në aeroportin ndërkombëtar të Seattle-Tacoma.
“Nëse do të ketë sukses, padia do shfuqizojë veprimin e paligjshëm të presidentit në mbarë vendin”, tha Prokurori i Përgjithshëm Bob Ferguson në një konferencë shtypi.
Ferguson ishte një nga 16 avokatët e përgjithëshm të shtetit të kanë lëshuar një deklaratë të dielën, duke quajtuar veprimin e presidentit Trump mbi emigracionin, si “anti-amerikan dhe të paligjshmëm”.
Padia kundër presidentit Trump, Departamentit Amerikan për Siguri Kombëtare dhe zyrtarë të lartë të administratës së Trump-it është paraqitur në gjykatën federale në Seattle.
“Ankesa synon që të shpallë urdhërin ekzekutiv të deklaruar si antikushtetuese”, tha Ferguson. Shteti gjithashtu është duke kërkuar për një urdhër të përkohshëm kufizues ndaj zbatimit të urdhrit të presidentit.
“Ne jemi një vend që mbështetet në sundimin e ligjit dhe në sallën e gjyqit nuk është zëri më i lartë ai që triumfon, por është Kushtetuta ajo që thotë fjalën e fundit”, tha Ferguson. “Në fund të ditës, ju ose jeni duke respektuar Kushtetutën ose nuk jeni duke respektuar atë. Dhe sipas mendimit tonë, presidenti nuk është duke respektuar Kushtetutën, kur bëhet fjalë për këtë veprim ekzekutiv.”
“Deklaratat e mbështetjes nga Amazon dhe Expedia – dy biznese shtetërore me seli në Uashington – do t’i bashkangjiten padisë”, tha Ferguson, të cilit në konferencë për shtyp nga iu bashkangjit edhe Guvernatori Jay Inslee.
Microsoft, me bazë në Redmond, Uashington, gjithashtu mbështet përpjekjet e Ferguson, ka thënë Dominic Carr, menaxher i përgjithshëm për çështjet publike. Kompania do të jetë e lumtur që të dëshmojë më shumë nëse është e nevojshme, tha Carr.
Ankesa pretendon se veprimet e Trumpit kanë ndarë familjet në Uashington, duke dëmtuar mijëra banorë të shtetit, duke dëmtuar ekonominë e shtetit, ka dëmtuar kompanitë me bazë në Uashington “dhe po minon interesat sovrane të Uashingtonit që të mbetet një vend mikpritës për emigrantët dhe refugjatët”, tha Ferguson.
Guvernatori Inslee tha se “veprimi ç’njerëzor” i urdhërit të Trump-it është i qartë.
“Ky është veprim antiamerikan, ky është është veprim i gabuar, dhe nuk do të tolerojmë një gjë të tillë,” tha Guvernatori Inslee. “Qëllimi i qartë i këtij urdhri ekzekutiv është që të diskriminojë pjestarë të një besimi të tërë.”
I pyetur nëse ai ka frikë nga hakmarrja nga administrata e Trump-it, Guvernatori Inslee tha se “ky president është i paparashikueshëm, por ne nuk do të dorëzohemi, ne nuk do të lejojmë të kërncënohemi, dhe nuk do të frikësohemi.” /tesheshi.com/
