Zhurmës mbi Kryeprokurorin e përkohshëm i është shtuar dhe një zë, jo politik por juridik. Granit Shahu është një ndër kandidaturat e skualifikuara për të zënë vendin e Llallës i cili e ka përjetuar keq, më shumë se skualifikimin, argumentin pse.
“Një ndër pikat që unë do desha të kontestoja është ajo ku thuhet se aty shprehet se nuk kam integritet profesional, dua të bëj me dije se për integritetin tim profesional ka një grup punë që përbëhet nga anëtarë të Komisionit të Vettingut dhe të Prokurorit të Përgjithshëm, të cilët do të hedhin shortin për të tërhequr dosje të cilat unë kam hetuar. Ky short nuk është hedhur për mua është hedhur vetëm për kandidatët për anëtarë të KLP. Ky konkluzion nuk bazohet fare në gjendjen faktike. Kam marrë pjesë në një garë që siç është theksuar edhe nga anëtarët e komisionit apo edhe juristë për Prokuror të Përgjithshëm të Përkohshëm pa iu bërë Vettingu ndërkohë që vihem përballë një fakti që mua është bërë një vetting 24 orësh”, u shpreh prokurori Granit Shahu për Top Channel, i cili tashmë dyshon se emri i Kryeprokurorit të përkohshëm është përcaktuar tashmë.
“…mendoj se kjo garë ka një emër të parapërcaktuar se kush do jetë Prokuror i Përgjithshëm”, tha prokurori Granit Shahu. /tesheshi.com/
