Presidenti turk Rexhep Tajip Erdogan ka refuzuar kërkimfaljen e NATO-s, pasi emri i tij, si dhe i ai i Ataturkut, themeluesit të shtetit turk pas rënies së Perandorisë Osmane, u shndërruan në “tabelë qitjeje” gjatë manovrave ushtarake të Aleancës në Norvegji.
Erdogan tha se një sjellje e tillë mosrespektese nuk mund të falet aq lehtë.
“E keni parë sjelljen mosrespektuese manovrat e NATO-s dje. Ka disa gabime që nuk bëhen nga budallenj, por vetëm nga njerëzit nga baza”, tha Erdogan në një fjalim të transmetuar drejtpërdrejt në televizion.
“Kjo çështje nuk mund të mbulohet me një kërkimfalje të thjeshtë”, shtoi Erdogan, cituar nga Reuters.
Erdogan dha urdhër për tërheqjen e 40 trupave turke nga manovrat, sapo ndodhi incidenti i pazakontë.
NATO dhe Norvegjia menjëherë kërkuan falje, por siç dhe po shihet Ankaraja zyetare dhe vetë Presidenti Erdogan po e përjetojnë keq atë që ka ndodhur. Incidenti vjen në një klimë jo fort miqësore mes Turqisë dhe Perëndimit – Bruksel dhe Uashington – ndërkohë që ushtria e saj është prej dekadash vend anëtar i NATO-s, dhe për më tepër me një pozitë kyçe. /tesheshi.com/
