Monitorues të Këshillit për Mbrojtjen e të Drejtave dhe Lirive të Njeriut, kanë reaguar ndaj përdorimit të forcës që është bërë kundrejt një aktivisti të Vetëvendosjes, i cili qëlloi me vezë ministrin Memli Krasniqi.
Egzon Azemi u kap nga truprojat e ministrit pas gjestit të tij dhe KMDLNj pretendon se ndaj tij është ushtruar dhunë brutale. KMDLNj ka vizituar Qendrën e Ndalimit ku u takua me 20-vjeçarin Azemi nga Prishtina, duke bërë më pas këtë deklaratë:
“E. A. aktivist i VV pohoi se është sulmuar nga vet ministri së bashku me 5 rojet e tij. Të njëjtët për 15 minuta kishin vazhduar ta rrahin të riun deri sa kishte ardhur policia e Kosovës. E. A. aktivist i VV pohoi se edhe njëri nga policët (pohon se mund ta identifikojë) e ka maltretuar duke i shtypur me këmbë kokën në tokë”, thuhet në njoftimin e KMDLNJ-së.
Që kur nisi aksioni i VV-së i të qalluarit me vezë të ministrave apo zyrtarëve të lartë, ky është i pari rast ku atentatori bie në duart e truprojave të “viktimës” duke u shndërruar më pas vetë në viktimë. /tesheshi.com/
