Gjykata Europiane i ka dhënë të drejtë komunitetit të gazetarëve maqedonas, pasi një pjesë e këtyre të fundit u nxorr jashtë nga ambientet e Kuvendit nga forcat e sigurisë, ndodhur kjo në vitin 2012.
Bëhet fjalë për rastin kur dhe deputetë të LSDM-së u pëzunë gjithashtu, pasi rrethuan kryeparlamentarin Trajko Veljanovski me kërcënime që të mos miratonte votimin e Buxhetit 2013.
Shoqata e gazetarëve e çoi çështjen në Strasburg, duke marrë nga kjo gjykatë përgjigjen që i jep të drejtë njerëzve të shtypit, me argumentimin se ndaj tyre është shkelur neni 10 i Konventës Evropiane për mbrojtjen e të drejtave të njeriut që ka të bëjë me lirinë e shprehjes; por edhe neni 6 i cili ka të bëjë me të drejtën e dëgjimit korrekt.
LSDM ka reaguar menjëherë duke e konsideruar vendimin e Gjykatës Europiane si një denoncim tjetër ndaj pushtetit të Gruevskit.
“Me vendimin e Gjykatës së Strasburgut vërtetohet se qeveria e udhëhequr nga Gruevski ka bërë shkelje të rëndë të Kushtetutës së Republikës së Maqedonisë”, thuhet në deklaratën e partisë së Zaevit, ku më tej konkludohet: “Drejtësia është e ngadalshme, por e arritshme”. /tesheshi.com/
