Bujar Sheshi, anëtar i Këshillit të Lartë të Prokurorisë, është detyruar që bëjë avokatin e vetvtetes para kolegëve në KLP, pas përfoljeve të ditëvetë fundit në media, se ka qenë bashkëpunëtor i fshehtë i Sigurimit të Shtetit.
Ai e ka hedhur poshtë kategorikisht këtë akuzë, të cilën e ka gjykuar si një metodë mafioze me prapavijë politike
“Sipas mendimit tim, në rastin konkret nuk synohet vetëm goditja e personit tim si hakmarrje, për shkak të çështjeve që ka përfaqësuar si prokuror apo për mendimet që kam shfaqur si anëtar i KLP për kriteret që duhet të plotësojnë kandidatët për prokuror të përgjithshëm, por mendoj se synohet goditja dhe vënia nën presion e gjithë institucionit të KLP, kjo pasi kemi ardhur në një moment përfundimtar të krijimit të SPAK-ut dhe zgjedhjes së Prokurorit të Përgjithshëm.
Mënyra dhe mjetet që kanë përdorur në këtë rast, fakti që kanë arritur të manipulojnë dhe të keqpërdorin deri tek institucionet shtetërore siç është DSSH, çon në përfundimin se pas këtij veprimi fshihen segmente të caktuara që janë pjesë të rëndësishme të politikës, jo vetëm nga njëri krah, por edhe persona me pushtet të lartë që kanë ushtruar ndikim mbi këta institucion duke detyruar të dalë në një vendim të paprecedent që është dukshëm në kundërshtim me ligjin.
Përballë kësaj situate që e vlerësoj si tepër të rëndë dhe me pasoja të rrezikshme, do të kërkoja vëmendjen tuaj, por edhe përkrahjen tuaj për të bërë të mundur zbardhjen e plotë të së vërtetës që kanë organizuar apo janë bërë pjesë e këtij skenari tipikisht mafioz.
Reagimi ynë duhet të jetë institucional dhe i fuqishëm, jo për të mbrojtur personin tim, sepse me apo pa Bujar Sheshin në KLP, SPAK-u do të zgjidhet. Prokurori i ri i {ërgjithshëm do të zgjidhet. Por për të bërë të mundur mbrojtjen e institucionit tonë si dhe të gjithë arritjet e reformës në drejtësi në këtë fazë delikate që ndodhet sistemi i drejtësisë, por edhe vendi në prag të hapjes së negociatave për anëtarësim në BE”, deklaroi Sheshi. /tesheshi.com/
