Shtetasi britanik Leon Dawson i tha Sky News se ai kishte aplikuar për të shkuar në fushën e betejës në Ukrainë, por që u refuzua.
37-vjeçari, i cili zotëron një palestër, tha se u refuzua pasi nuk kishte përvojë ushtarake dhe se askush nuk mund ta stërvitte.
“Isha gati të humbisja jetën për Ukrainën dhe jam ende”, tha ai.
Dawson u largua ende nga Britania, por u kap në kufirin polak në një furgon plot me ndihma.
“Unë nuk mund të shkoja vetë atje sepse nuk e di gjuhën. Nëse rusët do më kapin do të ishte shumë, shumë keq”, tha ai, duke shtuar se nuk i kishte shkuar kurrë në mendje që ambasada ukrainase do ta refuzonte sepse ishte pa përvojë.
“Ne nuk kemi burime apo kohë për t’ju trajnuar,” iu tha atij në ambasadë.
Kjo siduket e bindi që të kthehej pas.
“Unë nuk jam budalla, e kuptoj që lufta është shumë më tepër se të qëllosh njerëz. Nuk kam mbajtur kurrë një armë në dorë, Nuk e di gjuhën, nuk i di taktikat. Më mirë të bëj diçka tjetër”, tha Dawson. /tesheshi.com/
