Të premten rreth mesditës në ujërat e lumit Bistricë të Pejës është gjetur trupi i pa jete i të riut 16-vjeçar nga Llabjan i Pejës, që kishte rënë lumë dy ditë më par.
“Pjesëtarët e FSK-së dhe ata të Klubit të Zhytjes “Trepça” nga Mitrovica, pas tri ditë kërkimi, të premten rreth mesditës kanë gjetur trupin e të riut 16-vjeçar nga fshati Llabjan i Pejës”,- ka deklaruar për portalin tesheshi.com, Besnik Neziri, anëtarë i Klubit të Zhytjes Trepça.
Sipas tij “4 pjesëtarë të Klubit Trepça dhe tre pjesëtar të FSK-së, në lumin Bistrica kanë gjetur trupin e 16-vjeçarit, i cili para dy ditëve kishte rënë në këtë lumë. Kufoma u gjend rreth 1km larg vendit ku kishte rënë aksidentalisht i riu.
“Trupi i pa jetë është dërguar për në Institutin e mjekësisë ligjore në Prishtinë”, ka thënë Neziri për portalin tesheshi.com.
16-vjeçari nga fshati Llabjan i Pejës, në momentin kritik ishte i shoqëruar nga dy shokë të tij, që kishin shkuar për të peshkuar.
Sipas deklaratave që ata kanë dhënë për policinë, ai është hedhur në ujë për të marrë një top dhe nuk ka mundur të dalë.
Ndërkaq, familja Berisha prej 9 anëtarësh është tronditur nga zhdukja e djalit të katërt të tyre.
Vëllai i të ndjerit, Edison Berisha, ka deklaruar se disa herë janë larë në atë pjesë të lumit dhe se vëllai më i vogël i tij e njihte mirë notin. /tesheshi.com/
