Iraklis Dragounis, një shtetas grek që u kap dje në Rinas me një pajisje “e dyshuar për përgjim” mësohet se ka hyrë në Shqipëri 24 herë për dy vjet.
Prokuroria ka kërkuar ekspertimin e pajisjes që iu kap një ditë me parë në Rinas e cila dyshohej se përdorej për të përgjuar.
52-vjeçari grek me profesion inxhinier ndërtimit u ndalua dje në Rinas pasi kishte me vete një pajisje e cila dyshohet se ishte përgjuese.
Po nëse ai e ka vënë në funksion këtë pajisje në territorin shqiptar për llogari të dikujt ai e ka bërë këtë në harkun kohor të 2 viteve pasi sot u bë e ditur se ai ka qenë në vendin tonë plotë 24 herë.
Policia bëri të ditur se ia ka referuar materialet prokurorisë së Tiranës.
Mediat raportojnë se gjatë marrjes në pyetje 52-vjeçari ka treguar se është kontraktuar nga një kompani telefonike për të verifikuar nëse ka ndërhyrë në valët e antenave. Organi i akuzës ka bllokuar pasaportën e 52-vjeçarit deri ne pritje të përfundimit të akt-ekspertizës së pajisjes.
Para disa javësh një shtetas izraelit u kap në Rinas me një pajisje të ngjashme, por më vonë u la i lirë./tesheshi.com
