Keith Davies, një londinez 62-vjeçar, gjatë gjithë jetës së tij ka injoruar këshillat e atyre që i thonin se qenve të tij duhej t’ju jepte ushqim të shëndetshëm. Nuk deshi të dëgjonte askënd duke vijuar t’u jepte kafshëve biskota dhe çokollata e si përfundim, dy qentë e tij ndërruan jetë në klinikë.
Hanin vetëm biskota e çokollata si për mëngjes, në drekë e në darkë, në çdo vakt. Ata që ishin në dijeni të këtij fakti, kanë telefonuar përfaqësuesit e Royal Society for the Prevention of Cruelty to Animals, duke e akuzuar burrin për keqtrajtim.
Kur mbrojtësit e kafshëve kanë mbërritur në shtëpinë e zotit Davies kanë gjetur qentë Lolly e Jenny në gjendje tepër të keqe. I kanë marrë me vete në qendrën e trajtimit, por Jenny ngordhi menjëherë, ndërsa Lollyn u detyruan t’i bënin një gjilpërë për të ngordhur, pasi gjendja e saj ishte tepër e rëndë dhe e pashpresë. Mëlçia e kafshëve ishte copëtuar, sikurse edhe stomaku, ndërsa të dy ishin mbi peshë. “Pavarësisht se ishte qartësisht e dukshme që kafshët ishin të sëmurë, nuk u çuan kurrë tek asnjë veteriner”, – shpjegon inspektori i RSPCA.
Burri u shpall fajtor për keqtrajtimin e kafshëve dhe i është ndaluar që për gjithë jetën e tij të mbajë kafshë në shtëpi. /tesheshi.com/
