Albert Rohan, ish-negociatori austriak për statusin e Kosovës, ndërroi jetë në moshën 83-vjeçare.
Siç njofton Ministria e Punëve të Jashtme e Austrisë, Rohan që në vitet 1990 ka marrë pjesë në hartimin e politikës për Ballkanin, me qëllim të vendosjes së paqes dhe zhvillimit të një perspektive evropiane në këtë rajon.
Ai së bashku me të dërguarin e Kombeve të Bashkuara, Marti Ahtissari, ka marrë pjesë në negociatat për statusin e Kosovës.
“Austria ka humbur njërin nga diplomatët më të aftë. Për ministrinë dhe mua personalisht, vdekja e Rohanit paraqet humbje të një modeli të madh”, tha shefi i diplomacisë austriake, Alexander Schallenberg. /tesheshi.com/
