I burgosuri palestinez Mohammed al-Tous nuk do jetë më në qelitë izraelite, aty ku me gjasë nuk do dilte më i gjallë, si pjesë e marrëveshjes së armëpushimit me Hamasin.
Në moshën 69-vjeçare, Mohammed al-Tous ka qenë i burgosur për gati katër dekada dhe sipas Klubit të të Burgosurve Palestinez, ai ka qëndruar në burg për periudhën më të gjatë kohore.
Al-Tous ka qenë në burg për 40 vjet, pasi ishte burgosur në vitin 1985. Ai ishte anëtar i Fatahut, lëvizjes së themeluar nga Yasser Arafat dhe emri i tij ishte përfshirë në listën e të burgosurve që do të liroheshin në këmbim të katër izraelitëve pengje, siç raportohet nga Agjencia Franceze.
Al-Tous është dënuar me burgim të përjetshëm dhe ndodhet në burg që nga 6 tetori 1985, pasi akuzohej për kryerjen e operacioneve kundër Izraelit. Ai është i vetmi i mbijetuar i një sulmi të përgjakshëm nga forcat izraelite kundër një njësie palestineze, pranë kufirit me Jordaninë.
Gruaja e Al Tous ka vdekur nga një goditje në tru, ndërsa djali i tij më herët kishte deklaruar se kishin kaluar periudha të vështira për shkak të mungesës së tij.
Ana ironike: ky emër i Fatahut po lirohet nga Hamasi, dy rivalë që kurrë s’kanë mundur të jenë bashkë. Kjo për arsyen e thjeshtë: Fatah është majtist në kauzën e lirisë, ndëra Hamasi ka Islam në kauzën e tij. Dhe është e qartë se kujt i takon suksesi dhe fitorja. /tesheshi.com/
