Ndër shumë emra të implikuar me fabrikën e Gërdecit, e cila shpërtheu 8 vite më parë duke shkaktuar një tragjedi me 26 të vdekur e qindra të plagosur e gjymtuar, është dhe ai i botuesit Fahri Balliu.
Vetë ai, me llojin e protagonizmit të tij publik, në dukje nuk mund të ketë asnjë lidhje me një fabrikë për çmontim municioni; por fakti se ka qenë i lidhur me pushtetin e asaj kohe në shumë fije, e bënte deri diku të besueshme që dhe Balliu të kishte pjesën e tij në të ardhurat e Gërdecit.
Si provë e kësaj mund të merret “Libraria Kadare”, e themeluar prej tij në vitin 2007 dhe e ngritur në zemër të Tiranës, pikërisht tek nëntëkatëshet, e cila pas ngjarjes së Gërdecit u mbyll.
Në media u përfol se qeraja mujore e librarisë, e cila ishte dhe lokal, shkonte në rreth 6 mijë euro në muaj. Ishte pra një shumë që mund të përligjej vetëm me faktin se jo të gjitha kostot e menaxhimit dhe mbajtjes së saj mund të mbuloheshin nga xhiroja.
Dhe fakt është se pas Gërdecit, “Libraria Kadare” u mbyll.
E tmerrshme po të mendosh se me para nga Gërdeci është hapur dhe një biznes me emrin e Kadaresë.
Y. Pata – /tesheshi.com/
