Futbollisti i Manchester United, Luke Shaw pësoi një lëndim të rëndë në duel me skuadrën holandeze PSV Eindhoven, e si pasojë ka humbur gjithë sezonin ende pa e filluar mirë atë.
Anglezi, pranoi një vizitë të veçantë gjatë kohës që ishte në spital. Tifozët e skuadrës rivale PSV i sollën lule futbollistit, duke treguar mbështetjen e tyre për mbrojtësin e ri.
Një ndërhyrje e futbollistit Hector Moreno për Luke Shaw, i ka kushtuar këtij të fundit thyerje në këmbë. Shaw i cili u vendos në spitalin Shën Anna Ziekenhuis të mërkurën pranoi një vizitë të veçantë, kur tifozët e PSV, i kishin dërguar lule.
Një zëdhënës i gazetës holandeze Eindhoven Dagblad tha: “Kjo është mënyra më e mirë dhe më profesionale se si duhet të sillemi me një kundërshtar.”
Shaw do të ketë një operacion të dytë të planifikuar për të premten në rrugën e tij të gjatë drejt rimëkëmbjes.
/tesheshi.com/
