Senati, dhoma e sipërme e Parlamentit francez, miratoi të mërkurën një rezolutë mbi “njohjen e Republikës së Nago-Karabakut”, një rajon i Azerbajxhanit me një shumicë armene, ku pati një kthesë si pasojë e një lufte mbi 1-mujore, pëfunduar me ndëryrjen e Rusisë, si dhe të Turqisë në prapaskenë, ku i fituar, si në fushëbetejë e si në planin diplomatik, doli Azerbajxhani.
305 deputetë votuan për rezolutën, e cila është më simbolike sepse nuk ka një karakter detyrues, një ishte kundër, dhe 30 abstenuan.
Teksti “dënon agresionin ushtarak të Azerbajxhanit të kryer me mbështetjen e autoriteteve turke dhe mercenarëve të huaj” dhe bën thirrje për tërheqjen e atyre forcave nga zona ku shpërthyen konfliktet më 27 shtator dhe përfunduan në 9 nëntor me një marrëveshje paqeje.
Rezoluta i bën thirrje “Qeverisë franceze të njohë Republikën e Nago-Karabakut” dhe të bëjë gjithçka që është e mundur për negociatat mbi një zgjidhje të qëndrueshme të konfliktit.
Ai gjithashtu i bën thirrje qeverisë të bëjë thirrje për “zbatimin e menjëhershëm të mbrojtjes së popullsisë përmes vendosjes së forcave ndërkombëtare” dhe për të siguruar ndihmë humanitare për popullatën civile.
Eshtë deklaruar se qeveria franceze duhet gjithashtu të kërkojë një hetim ndërkombëtar mbi krimet e mundshme të luftës të kryera në atë zonë.
Mediat franceze vlerësojnë se Senati miratoi një rezolutë të tillë për të mbështetur Armeninë, sepse marrëveshja e paqes njohu fitoren e forcave azerbajxhanase.
Nago-Karabaku, një territor i banuar kryesisht nga Armenët, u shkëput nga Azerbajxhani, duke çuar në një luftë që mori 30,000 jetë gjatë viteve 1990. Që nga ajo kohë, konfliktet kanë shpërthyer herë pas here, dhe i fundit shpërtheu në 27 shtator, për të përfunduar me fitoren azere.
Kjo rezolutë francize vjen nga fakti se Franca, si shumë fuqi të tjera, humbën rol në konflikt duke u ç’faktorizuar.
Tashmë, Parisi zyrtar tenton të imponojë rol e prezencë aty duke nxjerrë rezoluta si kjo e fundit. /tesheshi.com/
