Deputeti më i ri i LSI-së, Ralf Gjoni, i cili u sulmua me bojë mëngjesin e kësaj të enjteje, sulmoi qartazi znj.Kryemadhi për mënyrën se si po e drejton partinë.
Ish-sekretar i Metës kur ky i fundit ishte kryetar Kuvendi, Gjoni tha se “partia është kapur peng nga një marrëzi e një liershipi. Unë kam qenë për integrim, jo për çizme, rrugaçëri, bojë, jo për çintegrim”.
I pyetur nëse e ndjen veten tradhtar, siç znj. Kryemadhi ka etiketuar të gjithë ata që kanë pranuar mandatin, Gjoni përgjigjet:
“…është përdhunuar fjala ‘tradhti’ gjatë 60-70 viteve të fundit, ku tradhtia ndaj vendit u kthye në tradhti ndaj partisë. Ata që tradhtuan janë ata që ikën nga Kuvendi. Nuk e kuptoj se çfarë kemi tradhtuar. Ne kemi marrë një përgjegjësi për të mbushur vakancat, për të mbajtur në këmbë parlamentin që është themeli i demokracisë”, tha Ralf Gjoni. /tesheshi.com/
