Prokuroria e Krimeve të Rënda tërhoqi akuzën ndaj shtetasit Arvis Muçaj, i arrestuar për 1.3 tonë lëndë narkotike, e sekuestruar para një muaji në Kavajë.
Muçaj u arrestua dhe u akuzua si pjesë e grupit që iu sekuestrua kanabisi. Akuza ndaj tij u ngrit pasi njëra nga dy makinat ku u kap droga, ishte në emrin e tij, por Muçaj deklaroi se e kishte shitur mjetin, por nuk kishte kaluar pronësinë me dokumente.
Ai këmbënguli se prej 5 muajsh makinën ia kishte shitur Erges Sinës, një person i shpallur në kërkim për drogën, shkruan Shqiptarja.com.
Sipas prokurorisë, hetimi do të kryhet në gjendje të lirë, pasi nuk ka prova, që e implikojnë në trafikun e drogës.
Arvis Muçaj në 27 gusht do të martohet, por avokati i tij, Saimir Visha deklaron se kjo histori nuk do të mbyllet këtu, pasi do të kërkojë dëmshpërblim për 1 muaj që qëndroi në burg, sipas tij padrejtësisht. /tesheshi.com/
