Lufta, e cila ishte menduar të zhvillohej në Kaliforni më 12 shtator, u shty për në 28 nëntor.
Ndeshja rikthyese e legjendës së boksit, 54-vjeçari Mike Tyson kundër 51-vjeçarit Roy Jones, që duhej të zhvillohej në 12 shtator, është shtyrë për në 28 nëntor, raporton AFP.
Dueli u shty në mënyrë që “sa më shumë njerëz të jetë e mundur të dëshmojnë kthimin më të madh në historinë e boksit”, siç tha ish-kampioni Tyson në mënyrë të pandërprerë.
Agjensia promovuese Zhriller, e cila organizon ndeshjen, tha se fundjava e “Falënderimeve” është një datë shumë më e pranueshme për ndeshjen, e cila tashmë ka tërhequr interes të madh.
Kampioni më i ri botëror
Përballja duhet të zhvillohet në Kaliforni dhe është rënë dakord për tetë raunde, kujtojnë agjensitë.
Tyson e pati betejën e të tij të fundit në ring më 6 nëntor 2005 në Uashington, kur humbi ndaj irlandezit Kevin McBride. Gjatë karrierës së tij, Tyson arriti 50 fitore, nga të cilat 44 me nokaut, e gjashtë humbje.
Ai ishte kampioni absolut botëror në boksin profesionist në peshë të rëndë nga 1987 deri në 1990 dhe ishte i pari i peshës së rëndë që mbajti gjerdanët e Shoqatës Botërore të Boksit (WBA), Këshillit Botëror të Boksit (WBC) dhe Federatës Ndërkombëtare të Boksit (IBF) në të njëjtën kohë, si dhe i vetmi që bashkoi me sukses titullin. Gjithashtu, në 20 vjet, katër muaj dhe 22 ditë ai ishte kampioni më i ri në botë. /tesheshi.com/
