Legjendari Mike Tyson priti psikoterapistin Sean McFarland në podkastin e tij “Hotboxin ëith Mike Tyson” dhe gjatë bisedës me të ai shpalosi pikëpamjet e tij për famën dhe paratë që ka fituar gjatë karrierës së tij.
“Të gjithë do të vdesim një ditë. Kohët e fundit, shpesh e shikoj veten në pasqyrë dhe shoh disa pika në fytyrën time, të cilat nuk ishin aty më parë. I them vetes se jam afër fundit, se do të vdes shumë shpejt”, tha Tyson dhe shtoi:
“Kohët e fundit kuptova se gjithçka është relative. Paratë nuk janë asgjë për mua. Unë gjithmonë u them njerëzve që mendojnë se paratë do t’i bëjnë të lumtur se e gjitha është një gënjeshtër. Kur ke para, nuk mund të presësh që dikush të të dojë. Si do t’ju rrëfejë dikush sinqerisht dashurinë e tij kur keni 500 milionë dollar?!”.
Tyson shtoi se paratë ofrojnë vetëm një ndjenjë të rreme sigurie.
“Ti mendon se asgjë nuk mund të të ndodhë. Ju nuk besoni se bankat mund të dështojnë ndonjëherë. Ju besoni se jeni të pathyeshëm kur keni shumë para, por e gjitha është një gënjeshtër. E përsëris gjithmonë se është e gjitha një iluzion”, tha Tyson. /tesheshi.com/
