Aktori i njohur amerikan, Tyrese Gibson, i njohur për filmin “Fast and furious”, ka postuar së fundmi një postim në profilin e tij në Facebook, duke qëndruar ulur në mënyrë modeste në një xhami në Katar.
Postimi ka tërhequr një numër relativisht të madh pëlqimesh, 151,000 deri më tani.
Edhe në maj të këtij viti, aktori është fotografuar duke falur namazin në një prej xhamive të Katarit, e cila pati ngjallë reagime të mëdha tek fansat e aktorit dhe kishte ngjallur kureshtjen e publikut nëse ai kishte pranuar Islamin apo ishte vetëm thjeshtë interesim kureshtjeje e tij për një vizitë xhamisë.
Sidoqoftë, në postimin e tij të fundit ai shkruan: “Po fali namaz, e të shohim çfarë do të ndodhë…Zoti ka mënyra të shumta të përgjigjes së lutjeve”.
Një koment interesant kishte ardhur nga Denzel Phoenix, i cili shkruan: “Një besimtar me besim, pa marrë parasysh fenë fiton respektin tim…. Kështu që respektojmë interesimin e Tyrese Gibson për të kuptuar se çfarë është vërtetë besimi”./tesheshi.com/
