Banorët e zonës së njohur si “Astiri” organizuar protestën e radhës para godinës së Bashkisë, ku mallkimeve ndaj kryebashkiakut Veliaj, e po ashtu dhe Ramës, iu shtuan dhe hedhjen e tymueseve apo shashkave.
Ata kanë bërë dhe një tjetër tentativë për të hyrë brenda, por janë ndaluar nga kordonët policore. Ata kërkuan sërish takim me Veliajn, duke refuzuar skemën e ofruar nga qeveria për mënyën se si do zgjidhet e ardhmja e tyre e afërt, pas shembjes së banesave të tyre për t’u ndërtuar Unaza e Madhe e Tiranës.
Ata kërkojnë dëmshpërblim të plotë me çmim tregu për çdo banesë të rrënuar, me leje apo pa leje. Krah tyre ka dalë dhe opozita, ku një natë më parë, kreu demokrat Basha u lexoi VKM-të e ish-qeverisë Berisha, sipas së cilave duhet të zgjidhet problem i tyre.
Risi e sotme ka qenë nja avancim në sjellje të dhunshme, duke e shndërruar në tym e flakë terrenin para hyrjes së Bashkisë së Tiranës. /tesheshi.com/
