Twitter tha se do të shtonte etiketime javën e ardhshme për të identifikuar më shumë profile të lidhura me autoritetet e një vendi, duke përfshirë profilet personale të liderëve botërorë, “kështu që përdoruesit të kenë më shumë kontekst për diskutime gjeopolitike në platformë”.
Ndër vendet e reja në të cilat do të shënohen zyrtarë dhe institucione të larta janë Kanadaja, Kuba, Ekuadori, Egjipti, Gjermania, Hondurasi, Indonezia, Irani, Italia, Japonia, Arabia Saudite, Spanja, Tajlanda, Turqia, Serbia dhe Emiratet e Bashkuara Arabe, raporton Reuters.
Etiketimi i profileve të mediave shtetërore
Në gusht, Twitter njoftoi se do të fillojë etiketimin e profileve të mediave shtetërore si Sputnik i Rusisë dhe Xinhua i Kinës dhe disa zyrtarëve kryesorë të qeverive nga pesë anëtarë të përhershëm të Këshillit të Sigurimit të Kombeve të Bashkuara – Kina, Franca, Rusia, Britania dhe Shtetet e Bashkuara.
Platforma njoftoi se po shtrin etiketat e saj për zyrtarët kryesorë qeveritarë dhe institucionet që ishin “zëri i shtetit kombëtar jashtë” nga vendet e G7 dhe shumicën e vendeve ku Twitter ka identifikuar ato që i konsideron operacionet e informacionit shtetëror. /tesheshi.com/
