Epidemiologu i njohur suedez Johan Giesecke, i ftuar në televizionin vendas SVT, tha se pothuajse asnjë nga qytetarët nuk e vuri re që ai kishte një koronavirus.
“Pothuajse askush nuk e ka vërejtur se dhe unë jam i infektuar. Dje, rezultatet e një studimi të ri treguan se të paktën 11 përqind e dhuruesve të gjakut të Stokholmit ishin pozitivë, domethënë ata tashmë kishin virusin para se të dhuronin”, pohoi Giesecke.
Giesecke vlerëson se është e mundur që 500,000 deri 600,000 banorë të Stokholmit tashmë e kishin koronavirusin, duke pasur parasysh faktin se dhuruesit e gjakut janë më të shëndetshëm se të tjerët dhe se testet zbulojnë praninë e virusit në vetëm 70 përqind të atyre që e kanë atë.
“Nëse testoni dhjetë njerëz që kanë virusin, testet do të tregojnë se ishin vetëm shtatë. Por është e rëndësishme që testet nuk tregojnë ndryshe, ato kurrë nuk do të tregojnë se keni pasur koronavirus nëse nuk e keni pasur atë,”shtoi Giesecke.
Ndërsa disa ndjejnë simptoma të tilla si kollë e thatë dhe ethe, shumë mund të transmetojnë virusin pa e vërejtur fare. Numri i atyre që nuk kanë simptoma sipas Giesecke është tronditëse – deri në 99 përqind.
“99 përqind ose më shumë prej tyre nuk e dinë që kishin një të tillë. Në shumicën dërrmuese të rasteve, ata që e kanë atë nuk e vërejnë. Nga ata që kanë simptoma, disa sëmuren, disa sëmuren rëndë dhe disa vdesin. Por është një proporcion shumë i vogël ”, tha ky ekspert. /tesheshi.com/
