Kryeministri Edi Rama ka deklaruar se për bizneset e vogla do të vendoset TVSH. Ky vendim ka shkaktuar reagime të shumta, ndërsa opozita e ka kundërshtuar.
Kreu i grupit parlamentar të LSI, Petrit Vasili deklaron se “kryeministri shkatërron pa mëshire mijëra biznese të vogla duke u vendosur TVSH-në”.
Sipas tij, kryeministri po i heq bukën e gojës biznesit të vogël, ndërsa po pasuron oligarkinë.
“Shpjegojani shkollëpakut se kjo punë s’ka lidhje as me fatura e as me kupon se u bë gazi i botës me ato që thotë. Siç ua dha Shqipërinë me koncesione 2-3 oligarkëve, tani po ky tipi kryeministër do që t’ia japë edhe gjakun, djersën e bukën e gojës të bizneseve të vogla të mbijetesës, supermarketeve të oligarkisë”, thotë ai. /tesheshi.com/
