Dukej si lapsus i spikerit të lajmeve, që, ndërsa thoshte kokën e lajmit mbi mitingun përmbyllës së PS-së në Dibër, Sadri Abazin e quante në fund dhe “deputet intelektual”, në vend që të thoshte deputeti aktual.
Por kronika vijuese tregoi se një dorë redaksionale e TV Klan, kishte vendosur të ironizonte paq me deputetin socialist pa fije intelektualizmi në formimin, fjalorin, stilin e jetës apo pamjen e tij.
Fundi i kronikës i kushtohej pikërisht fjalimit të mbajtur prej tij, ku u tha se “fjalën e mori deputeti intelektual, Sadri Abazi”; dhe më pas shfaqej ky i fundit që çirej para mikrofonave duke denoncuar ekstremisht shëmtueshëm kreun e PD-së, Lulzim Basha, se pse ka thënë që “jam dibran”, e që në fakt është dibran.
Dhe sigurisht, performanca e Sadri Abazit e paraprirë nga cilësimi “intelektual”, ishte një vulgaritet ulëritës. /tesheshi.com/
