Turqit që bënin thirrje telefonike në celularët e tyre të shtunën mbrëma dëgjuan një zë të papritur në anën tjetër të linjës: Presidentin Erdogan.
Para se të lidheshin me njëri-tjetrin, ata befasoheshin nga një audio-incizim i presidentit, në të cilin Presidenti ua uronte festën kombëtare të “demokracisë dhe unitetit”, që shënon dështimin e grusht-shtetit.
Vetëm pas mesazhit të Erdoganit mund të rimerrej linja telefonike.
“Si president, dërgoj urime për Ditën e Demokracisë dhe të Unitetit Kombëtar të 15 korrikut dhe u dëshiroj martirëve mëshirë dhe heronjve shëndet dhe mirëqenie”, thuhet në mesazhin e lexuar nga Erdogan.
Kreu i Autoritetit të Teknologjisë së Informacionit dhe Komunikimit (BTK), Ömer Fatih Sayan, konfirmoi përmes llogarisë së tij Twitter se ky ishte një akt i sponsorizuar nga shteti.
“Të gjithë njerëzit tanë, gjatë thirrjeve, dëgjuan mesazhin e Presidentit Rexhep Tajip Erdogan për Ditën e Demokracisë dhe të Unitetit Kombëtar të 15 korrikut”, shkroi ai në mediat sociale, me një audioklip në kohëzgjatje prej 16 sekondash.
Në mediat sociale, shumë përdorues të shokuar, kishin postuar videot e tyre kur në përpjekje për të thirrur të afërmit e tyre paraprakisht kishin marrë mesazhin nga presidenti Erdogan.
Një vit më parë, falë një komunikimi me celular, por në versionin video, mundësuar nga CNN turk, Erdogan arriti të moboilizonte popullin që të dalë në rrugë dhe t’i bëhet bllokadë grushtit të shtetit. /tesheshi.com/
