Anëtarët e kontingjentit turk të EUFOR-it hynë sot në Srebrenicë.
EUFOR tha se ata janë duke monitoruar vazhdimisht zhvillimet në vend në koordinim të ngushtë me shërbimet lokale të sigurisë dhe janë plotësisht të vetëdijshëm për çështjet e sigurisë.
“EUFOR po monitoron situatën në të gjithë vendin dhe është i gatshëm të veprojë brenda mandatit që i është besuar nga Këshilli i Sigurimit i Kombeve të Bashkuara”, thanë forcat ndërkombëtare të pyetura për gatishmërinë e tyre për t’iu përgjigjur deklaratave destabilizuese të zyrtarëve të RS.
“Në këtë kohë, fokusi ynë mbetet në ruajtjen e stabilitetit dhe një mjedisi të sigurt. Nëse vërejmë një përkeqësim të konsiderueshëm të rendit publik, apo ndonjë kërcënim për sigurinë e civilëve, ne do të veprojmë në bashkëpunim të ngushtë me autoritetet vendore dhe partnerët tanë ndërkombëtarë, brenda kuadrit të mandatit tonë”, thanë ata.
Vlerësimet e vazhdueshme të mjedisit të sigurisë nuk tregojnë ndonjë shenjë të menjëhershme të përkeqësimit, sipas EUFOR, por pavarësisht kësaj, trupat mbeten plotësisht të përgatitura për t’iu përgjigjur skenarëve të ndryshëm të sigurisë.
