Qiproja Veriore ka njoftuar se do të hapë një plazh në qytetin e shkretë Varosha, gjë që ka të ngjarë të provokojë kundërshtim të mprehtë nga Qiprioja greke dhe të evokojë kujtime të ndërhyrjes turke në vitin 1974, i cili ndau ishullin në dysh.
Ersin Tatar, kryeministri i Qipros Veriore, i cili njihet si një shtet i pavarur vetëm nga Turqia, njoftoi vendimin në Ankara, së bashku me Presidentin turk Rexhep Tajip Erdogan, i cili e mbështeti atë.
Varosha është një ish-vendpushim veror në “tokën e askujt”, i cili u braktis në 1974.
Masa do të ndikojë në marrëdhëniet e Turqisë me anëtarët e Bashkimit Evropian, Qipron dhe Greqinë, me të cilat Ankaraja është në mosmarrëveshje për të drejtat territoriale në Mesdheun lindor.
Tensionet u lehtësuan disi këto ditë pasi Ankaraja dhe Athina ranë dakord të rinisnin bisedimet.
“Dhashtë Zoti, ne do të fillojmë të përdorim plazhin Maras të enjten në mëngjes, së bashku me njerëzit tanë,” tha Tatari, duke përdorur emrin turk për Varoshan.
Masa ka të ngjarë të zemërojë qipriotët grekë. Kjo pasi deri në ndërhyrjen turke, rreth 39,000 grekë jetonin aty.
Varosha, një periferi jugore e Famagustës, është bosh që nga viti 1974. /tesheshi.com/
