Turqia ka lëshuar urdhra arresti për politikanin danez Rasmus Paludan dhe nëntë të dyshuar të tjerë për djegien e një kopje të Kur’anit jashtë ambasadës turke në Stokholm në janar, tha ministri turk i drejtësisë Yilmaz Tunc.
“Zyra e Prokurorit Publik bëri thirrje për fillimin e një hetimi gjithëpërfshirës në mënyrë që të identifikohen të dyshuarit dhe të mblidhen informacione të qarta për identitetin e tyre dhe prova të veprimtarisë së tyre kriminale”, tha ai.
Në protestat e mbajtura në Stokholm më 22 janar, Paludan dogji një kopje të Kur’anit përpara ambasadës turke.
Ai është lider i një partie politike daneze të ekstremit të djathtë dhe gjithashtu ka nënshtetësi suedeze.
Ministria e Punëve të Jashtme turke dënoi djegien e Kur’anit, duke deklaruar se është një akt antiislam nën petkun e lirisë së shprehjes, gjë që është krejtësisht e papranueshme.
Një numër vendesh dënuan gjithashtu djegien e një kopje të Kur’anit në Stokholm. /tesheshi.co
