Raporti vjetor i Komisionit Evropian për përparimin e Turqisë drejt anëtarësimit në Bashkimin Evropian është “i padrejtë dhe i njëanshëm”, tha Ministria e Punëve të Jashtme turke.
Raporti i KE-së për përparimin e Turqisë thekson se ka pasur një “kthim të rëndësishëm” në standardet demokratike, sundimin e ligjit, të drejtat e njeriut dhe pavarësinë e gjyqësorit, raporton Reuters.
“Ne hedhim poshtë kategorikisht pretendimet e pabaza dhe kritikat e padrejta, veçanërisht në lidhje me kriteret politike dhe kapitujt mbi drejtësinë dhe të drejtat e njeriut”, tha në një deklaratë Ministria e Punëve të Jashtme në Ankara.
“Standardet e dyfishta të BE-së”
Komisioni deklaroi gjithashtu se Turqia nuk respektoi parimet e shtetit të së drejtës, të drejtave të njeriut dhe lirive themelore në luftën kundër terrorizmit.
Ministria e jashtme e Turqisë tha se akuzat ishin të padrejta dhe theksoi “pasinqeritetin e qasjes së BE-së dhe një standard të qartë të dyfishtë”, duke shtuar se problemet me respektimin e të drejtave themelore të njeriut janë të pranishme edhe midis vendeve anëtare të BE-së.
Kërkesa e Turqisë për anëtarësim në BE është ngrirë prej vitesh, pasi negociatat e anëtarësimit me Bashkimin filluan në 2005.
Ankaraja hodhi poshtë kritikat e Komisionit Evropian edhe në vitet e mëparshme, duke i quajtur ato të njëanshme. /tesheshi.com/
