Turqia ka ripërsëritur kërkesën e saj drejtuar SHBA për ta ekstraduar klerikun Fetyllah Gylen, me banim prej vitesh në SHBA, atë dhe organizatën e së cilit FETO, e akuzon si ideatore dhe vënëse në zbatim të grushtit të dështuar të shtetit në korrikun e 2016-ës.
Ministri i Drejtësisë i Turqisë, Abdulhamit Gul e shpjegoi dhe në terma juridikë e diplomatikë këtë detyrim sipas tij të Uashnigtonit.
“Në parim, bazuar në bashkëpunimin reciprok juridik që kemi me SHBA-të dhe marrëveshjet ndërkombëtare, Fetullah Gulen duhet të ekstradohet, sepse marrëveshja kërkon vetëm shkak të zakonshëm për ekstradim. Domethënë, sipas marrëveshjeve ndërkombëtare mes nesh për ekstradim mjafton një shkak i zakonshëm, pa pasur domosdoshmërisht nevojë për ndonjë dokument që tregon fajësinë e tij”, tha Gul.
Kreu i drejtësisë turke tha se autoriteteve amerikane i janë dorëzuar afër 100 dosje, dokumente, deklarata, pranime faji dhe prova, për ekstradimin e Gylenit. /tesheshi.com/
