I ashtuquajturi gylenist i kapur në Portin e Durrësit duke kaluar me pasaporte false, Muhammed Yasir Aydogmus, thuhet se është “zhdukur” nga kampi i refugjatëve në Babru të Tiranës, ku dhe qëndronte në kushtet e një arresti shtëpiak.
Gjykata e Apelit në Durrës ka vendosur për të masën e sigurisë “arrest me burg”, me qëllim ekstradimin e tij në Turqi, pasi kërkohet këmbëngulësisht nga drejtësia e vendit të tij me akuzën “pjesëmarrje në organizatë terroriste”.
Por ai nuk figuron fizikisht aty ku ndodhej që pas lënies së lirë gjykata, një vendim që irritoi autoritetet e Ankarasë dhe solli një deklarim të ashpër të Ambasadës turke në Tiranë. Madje për lirimin e tij u ndërhy që nga Brukseli.
Por tani, autoritetet shqiptare po përballen me një skandal tjetër, atë të arratisjes me gjasë, të të kërkuarit nga drejtësia turke. /tesheshi.com/
