Këshilli i Sigurisë Kombëtare i Turqisë (MGK) tha të enjten se po monitorojnë nga afër ngjarjet që mund të ndikojnë në paqen dhe stabilitetin në Ballkan dhe se është konfirmuar mbështetja për të gjithë hapat konstruktivë të bazuar në zgjidhjen e drejtë të mosmarrëveshjeve, transmeton Anadolia.
“Në kuadër të politikës turke, e cila bazohet në ruajtjen e paqes dhe stabilitetit, e krijuar dhe zbatuar në konsultim dhe bashkëpunim të ngushtë me vendet e Ballkanit, monitorohen nga afër ngjarjet që mund të ndikojnë në çështjet në rajon”, theksohet në deklaratë dhe konfirmohet mbështetja për të gjithë hapat konstruktivë që bazohen në zgjidhjen e drejtë të mosmarrëveshjeve.
Siç dihet, janë disa çështje të nxehta në rend të ditës, si raportet Kosovë-Serbi, Bosnja e trazuar nga Republika Srpska, si dhe tensioni politik në Mal të Zi, ku ndihet influence serbe.
Ndërkohë, vitet e fundit është rritur roli i Turqisë në Ballkan, një rajon që Perandoria Osmane e ka sunduar për shekuj. /tesheshi.com/
