“Ne e mbështesin plotësisht vendimin e përfaqësuesve politikë palestinezë për t’u bashkuar kundër planit të aneksimit nga ana e Izraelit,” tha zëdhënësi i Presidencës turke, Ibrahim Kalin, në një deklaratë në lidhje me planin e Izraelit për të aneksuar pjesë të Bregut Perëndimor të okupuar.
Kalin tha se ai beson se fronti i bashkuar i popullit palestinez kundër përpjekjeve për aneksim do të bëjë që shpirti i unitetit dhe solidaritetit të palestinezëve të qëndrojë.
Ai theksoi edhe një herë se planet e Izraelit për aneksim shkelin ligjin ndërkombëtar dhe se një iniciativë e tillë nuk ka asnjë bazë të ligjshme.
“Bota duhet të hedhë poshtë politikat e reja të Izraelit mbi okupimin dhe të mbështesë popullin palestinez,” shtoi ai.
Ai theksoi në fund se Turqia do të vazhdojë të jetë me popullin palestinez në luftën e tyre të duhur dhe të ligjshme.
Lëvizjet palestineze Hamas dhe Fatah vendosën të enjten të veprojnë së bashku kundër të ashtuquajturit “Plani i Paqes” në Lindjen e Mesme, të cilin presidenti amerikan Donald Trump e quan “Marrëveshja e Shekullit”, d.m.th kundër zbatimit të planit të Izraelit për aneksimin e Bregut Perëndimor.
Kryeministri izraelit Benjamin Netanyahu ka formuar një qeveri të përbashkët izraelite me liderin e opozitës Benny Gantz, dhe të dy kanë njoftuar se ata do të shpejtojnë një plan për të aneksuar Luginën Jordan dhe territoret e tjera të Bregut Perëndimor ku janë ndërtuar vendbanime të paligjshme hebraike. /tesheshi.com/
