Pjestarët e Forcave Kombëtare të Sirisë do të vendosen në Afrin në orët e ardhshme për të luftuar trupat turke dhe për të ndihmuar kurdët, njoftoi SANA.
Nuri Mahmoud, zëdhënësi i YPG-së, i tha Al Jazeera-s se ata ftuan ushtrinë siriane “që të ruajnë unitetin e Sirisë”, që do të thotë se forcat e presidentit sirian Bashar al-Assad do të mund të përballen drejtpërdrejt me ushtrinë turke në atë rajon.
Afrin është një rajon kufitar sirian të cilin e mbajnë nën okupim terroristët e PYD/PKK-së që nga viti 2012 dhe ku, që nga 20 janari, Forcat e Armatosura Turke dhe Ushtria e Lirë Siriane po kryejnë operacionin “Dega e Ullirit” që synon neutralizimin e terroristëve.
Forcat turke deri tani kanë çliruar më shumë se 70 vende në Afrin dhe terroristët e PKD/PKK-së kanë intensifikuar negociatat me regjimin e presidentit sirian Bashar al-Asad në një përpjekje për të gjetur shpëtim në aleatin e tij.
Reporteri i AA nga terreni njofton se terroristët e regjimit të Asadit kanë arritur një marrëveshje, ngjashëm me një më parë në Munbij, dhe se një numër simbolik i njësiteve të regjimit do të vendosen nëpër fronte në Afrin kundër forcave turke dhe opozitës siriane. /tesheshi.com/
