Turqia do të nisë një ofensivë kundër luftëtarëve kurdë në Siria nëse Shtetet e Bashkuara shtyjnë tërheqjen e trupave të tyre nga ky vend i Lindjes së Mesme – tha Ministri i Jashtëm turk, Mevlut Cavusoglu.
“Në qoftë se tërheqja është shtyrë për shkak të justifikimeve pa kuptim si “turqit masakruan kurdët”, gjë që nuk tregon gjendjen reale në terren, ne do të zbatojmeë këtë vendim”, tha kreu i diplomacisë së Ankarasë
Ai theksoi se një operacion ushtarak kundër njësive kurde civile të mbrojtjes (YPG) me mbështetjen e Shteteve të Bashkuara, i cili është planifikuar për ekzekutim në verilindje të Sirisë, nuk varet nga tërheqja e trupave amerikane.
“Ne jemi vendimtar si në terren dhe si në tryezë … Ne do të vendosim për kohën dhe nuk do të kërkojmë leje nga askush”, tha Cavushoglu.
Turqia ka dënuar gjatë Shtetet e Bashkuara për aleancën ushtarake me luftëtarët kurdë. Zyrtarët e Ankarasë po e konsiderojnë YPG (dhe krahun e saj politik PYD) si një “grup terrorist” me lidhje me Partinë e Punëtorëve të Kurdistanit (PKK) që është e ndaluar në Turqi.
Muajin e kaluar, Presidenti Trump njoftoi tërheqjen e 2,000 trupave siriane, dhe ky njoftim habiti shumë politikanë në Uashington dhe më gjerë. Por më pas nisën të shfaqen shenja “pendese”.
Të dielën, këshilltari i Sigurisë Kombëtare, John Bolton njoftoi parakushtet për tërheqjen e SHBA nga Siria, përfshirë garancinë turke për sigurinë e YPG-së. Por Ankaraja ka mohuar dhënien e garancive se nuk do të sulmojë aleatët kurdë të amerikanëve në Siri përpara se të tërhiqet SHBA. /tesheshi.com/
